0:00
/
1ܘܗَܘܹܐ ܠܵܗ̇ ܕܟܲܕ ܬܘܼܡܸܡܠܹܗ ܝܼܫܘܿܥ ܟܠܵܝܗܝ ܐܲܢܹܐ ܗܹܡܸܙܡܵܢܹ̈ܐ: ܐَܡܝܼܪܹܗ ܠܬܲܠܡܝܼܕܘܼ̈ܗܝ. 2ܒܝܼܕܵܥܝܵܐ ܝܬܘܿܢ ܕܡܒܵܬَܪ ܬܪܹܝ ܝܵܘܡܵܢܹ̈ܐ ܒܸܬ ܗܵܘܹܐ ܦܸܨܚܵܐ: ܘܒܪܘܿܢܹܗ ܕܐ݇ܢܵܫܵܐ ܦܝܵܫܵܐ ܝܠܹܗ ܣܘܼܦܝܵܐ ܕܦܵܐܹܫ ܙܩܝܼܦܵܐ. 3ܗ̇ܝܓܵܗ ܓ̰ܡܸܥܠܗܘܿܢ ܓܘܼܪ̈ܵܢܹܐ ܕܟܵܗܢܹ̈ܐ: ܘܚܘܵܪ̈ܕܸܩܢܹܐ ܕܛܵܝܸܦܵܐ ܠܕܵܪܬܹܗ ܕܓܘܼܪܵܐ ܕܟܵܗܢܹ̈ܐ: ܕܦܵܐܹܫ ܩܸܪܝܵܐ ܩܲܝܵܦܵܐ. 4ܘܥܒܸܕܠܗܘܿܢ ܪܵܐܝܝܼ ܕܒܦܸܠܡܵܐ ܕܵܒ̣ܩܝܼ ܠܝܼܫܘܿܥ ܘܩܵܛܠܝܼ ܠܹܗ. 5ܐܝܼܢܵܐ ܐَܡܸܪܗܘܿܢ: ܠܵܐ ܒܥܹܐܕܵܐ: ܕܠܵܐ ܗܵܘܹܐ ܫܓ̣ܘܼܫܝܵܐ ܓܵܘ ܛܵܝܸܦܵܐ. 6ܘܟܲܕ ܝܼܫܘܿܥ ܒܒܹܝܬ ܥܲܢܝܵܐ ܗ݇ܘܵܐ: ܓܵܘ ܒܲܝܬܹܗ ܕܫܸܡܥܘܿܢ ܓܸܪܒ̣ܵܢܵܐ. 7ܐَܬܹܐܠܵܗ̇ ܠܟܸܣܠܹܗ ܒܲܟ̣ܬܵܐ ܕܐܝܼܬ ܗ݇ܘܵܐ ܠܵܗ̇ ܫܵܛܝܼܦܬܵܐ ܕܡܸܫܚܵܐ ܕܒܸܣܡܵܐ: ܛܝܼܡܵܢܬܵܐ ܪܵܒܵܐ: ܘܡܘܼܫܦܸܟ̣ܵܠܵܗ̇ ܥܲܠ ܪܹܫܹܗ ܟܲܕ ܝܬܝܼܒ̣ܵܐ ܠܨܘܼܦܪܵܐ. 8ܐܝܼܢܵܐ ܟܲܕ ܚܙܹܐܠܗܘܿܢ ܬܲܠܡܝܼܕܘܼ̈ܗܝ ܟܪܸܒ̇ܠܗܘܿܢ: ܘܐَܡܸܪܗܘܿܢ: ܩܵܡܘܿܕܝܼ ܐܵܗܵܐ ܬܠܵܩܵܐ. 9ܣܵܒܵܒ ܕܟܹܐ ܡܵܨܹܐ ܗ݇ܘܵܐ ܕܦܵܐܹܫ ܙܘܼܒܢܵܐ ܐܵܗܵܐ ܒܪܵܒܵܐ: ܘܕܦܵܐܹܫ ܝܘܼܗَܒ̣ܵܐ ܠܡܸܣܟܹܢܹ̈ܐ. 10ܐܝܼܢܵܐ ܝܼܫܘܿܥ ܝܕܸܥܠܹܗ: ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܡܲܓ̰ܗَܘܼܝܹܐ ܝܬܘܿܢ ܠܒܲܟ̣ܬܵܐ: ܦܘܼܠܚܵܢܵܐ ܨܦܵܝܝܼ ܥܒܸܕܠܵܗ̇ ܐܸܠܝܼ. 11ܣܵܒܵܒ ܒܟܠ ܥܕܵܢܵܐ ܡܸܣܟܹܢܹ̈ܐ ܐܝܼܬ ܠܵܘܟ̣ܘܿܢ ܥܲܡܵܘܟ̣ܘܿܢ: ܐܝܼܢܵܐ ܐܵܢܵܐ ܒܟܠ ܥܕܵܢܵܐ ܠܲܝܬ ܠܵܘܟ̣ܘܿܢ. 12ܐܝܼܢܵܐ ܐܵܗܵܐ ܕܕܪܹܐܠܵܗ̇ ܐܵܗܵܐ ܒܸܣܡܵܐ ܥܲܠ ܓܘܼܫܡܝܼ: ܐܲܝܟܼ ܕܠܩܒ̣ܵܪܬܝܼ ܥܒܸܕܠܵܗ̇. 13ܘܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܲܝܟܵܐ ܕܦܵܝܫܵܐ ܡܘܼܟܪܸܙܬܵܐ ܐܵܗܵܐ ܡܲܫܚܲܕܬܝܼ ܒܟܠܵܗ̇ ܕܘܼܢܝܹܐ: ܒܸܬ ܦܵܐܹܫ ܗܘܼܡܙܸܡܵܐ ܐܘܼܦ ܡܸܢܕܝܼ ܕܥܒܸܕܠܵܗ̇ ܐܵܗܵܐ ܠܕܟ̣ܵܪܘܼܗ̇. 14ܗ̇ܝܓܵܗ ܐَܙܸܠܹܗ ܚܲܕَ ܡ̣ܢ ܬܪܸܥܣܲܪ: ܕܦܵܐܹܫ ܩܸܪܝܵܐ ܝܼܗܘܼܕܵܐ ܣܟܲܪܝܘܼܛܵܐ: ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ. 15ܘܐَܡܝܼܪܹܗ ܐܸܠܵܝܗܝ: ܡܘܼܕܝܼ ܒܵܣܡܵܐ ܠܵܘܟ̣ܘܿܢ ܠܝܼܵܗَܒ̣ܝܼ: ܘܐܵܢܵܐ ܒܸܬ ܣܵܦܸܢܹܗ ܐܸܠܵܘܟ̣ܘܿܢ: ܘܐܵܢܝܼ ܬܩܸܠܗܘܿܢ ܐܸܠܹܗ ܬܠܵܬܝܼ ܙܘܼܙܹ̈ܐ ܕܣܹܐܡܵܐ. 16ܘܡܢ ܗ̇ܝܓܵܗ ܛܸܥܠܹܗ ܠܦܸܪܣܲܬ ܕܣܵܦܹܐ ܠܹܗ. 17ܐܝܼܢܵܐ ܒܝܵܘܡܵܐ ܩܵܕَܡܵܝܵܐ ܕܦܲܛܝܼܪܹ̈ܐ ܐ݇ܬܹܐܠܗܘܿܢ ܬܲܠܡܝܼܕܹ̈ܐ ܠܟܸܣ ܝܼܫܘܿܥ: ܘܐَܡܸܪܗܘܿܢ ܐܸܠܹܗ: ܐܲܝܟܵܐ ܒܵܥܹܝܬ ܕܗܵܕܪܵܚ ܠܘܼܟܼ ܕܐܵܟ̣ܠܸܬ ܦܸܨܚܵܐ. 18ܘܗ̇ܘ ܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܠܡܕܝܼܢَܬܵܐ ܠܟܸܣ ܦܸܠܵܢ: ܘܐَܡܘܿܪܘܼܢ: ܐܸܠܹܗ: ܪܵܒܝܲܢ ܒܹܐܡܵܪܵܐ ܝܠܹܗ: ܙܲܒ̣ܢܝܼ ܡܛܹܐܠܹܗ: ܠܟܸܣܠܘܼܟܼ ܒܸܬ ܥܵܒ̣ܕܸܢ ܦܸܨܚܵܐ ܥܲܡ ܬܲܠܡܝܼܕܝܼ̈. 19ܘܬܲܠܡܝܼܕܘܼ̈ܗܝ ܥܒܸܕܠܗܘܿܢ ܕܵܐܟ̣ܝܼ ܕܦܩܝܼܕܵܝܠܹܗ ܝܼܫܘܿܥ: ܘܗܘܼܕܸܪܗܘܿܢ ܦܸܨܚܵܐ. 20ܘܟܲܕ ܗَܘܹܐܠܹܗ ܪܲܡܫܵܐ: ܝܬܝܼܒ̣ܵܐ ܗ݇ܘܵܐ ܠܨܘܼܦܪܵܐ ܥܲܡ ܬܪܸܥܣܲܪ. 21ܘܟܲܕ ܒܹܐܟܼܵܠܵܐ ܗ݇ܘܵܘ: ܐَܡܝܼܪܹܗ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܚܲܕَ ܡܸܢܵܘܟ̣ܘܿܢ ܒܸܬ ܣܵܦܹܐ ܠܝܼ. 22ܘܦܫܸܡܠܗܘܿܢ ܪܵܒܵܐ: ܘܫܘܼܪܹܐܠܗܘܿܢ ܠܹܐܡܵܪܵܐ ܐܸܠܹܗ ܟܠ ܚܲܕَ ܡܸܢܵܝܗܝ: ܐܵܢܵܐ ܝܘܸܢ: ܡܵܪܝܼ. 23ܘܗ̇ܘ ܓ̰ܘܼܘܸܒܠܹܗ ܘܐَܡܝܼܪܹܗ: ܡ̇ܢ ܕܒܸܛܡܵܫܵܐ ܝܠܹܗ ܐܝܼܕܹܗ ܥܲܡܝܼ ܒܡܵܐܢܵܐ: ܗ̇ܘ ܒܸܬ ܣܵܦܹܐ ܠܝܼ. 24ܒܪܘܿܢܹܗ ܕܐ݇ܢܵܫܵܐ ܒܹܐܙܵܠܵܐ ܝܠܹܗ ܕܵܐܟ̣ܝܼ ܕܝܼܠܹܗ ܟܬܝܼܒ̣ܵܐ ܥܲܠܘܼܗܝ: ܐܝܼܢܵܐ ܘܵܝ ܠܗ̇ܘ ܐ݇ܢܵܫܵܐ ܕܒܐܝܼܕܹܗ ܒܪܘܿܢܹܗ ܕܐ݇ܢܵܫܵܐ ܦܵܐܹܫ ܣܘܼܦܝܵܐ: ܨܦܵܝܝܼ ܗ݇ܘܵܐ ܐܸܠܹܗ ܐܸܢ ܠܵܐ ܗܵܘܹܐ ܗ݇ܘܵܐ ܗَܘܝܼܵܐ. 25ܓ̰ܘܼܘܸܒܠܹܗ ܝܼܗܘܼܕܵܐ ܣܵܦܝܵܢܵܐ ܘܐَܡܝܼܪܹܗ: ܐܵܢܵܐ ܝܘܸܢ: ܪܵܒܝܼ: ܐܵܡܸܪ ܐܸܠܹܗ ܝܼܫܘܿܥ: ܐܲܢَܬ ܐܡܸܪܘܼܟ. 26ܘܟܲܕ ܒܹܐܟ̣ܵܠܵܐ ܗ݇ܘܵܘ: ܫܩܸܠܹܗ ܝܫܘܿܥ ܠܲܚܡܵܐ: ܘܒܘܼܪܸܟ̣ܠܹܗ ܘܩܨܹܐܠܹܗ: ܘܝܘܼܗَܒܼܸܠܹܗ ܠܬܲܠܡܝܼܕܘܼ̈ܗܝ: ܘܐَܡܝܼܪܹܗ: ܫܩܘܿܠܘܿܢ ܐَܟ̣ܘܿܠܘܿܢ: ܐܵܗܵܐ ܝܠܹܗ ܦܲܓ̣ܪܝܼ. 27ܘܫܩܸܠܹܗ ܟܵܣܵܐ: ܘܫܘܼܟܸܪܹܗ: ܘܝܘܼܗَܒܼܸܠܹܗ ܐܸܠܵܝܗܝ: ܘܐَܡܝܼܪܹܗ: ܫܬܹܐܡܘܿܢ ܡܸܢܹܗ ܟܠܵܘܟ̣ܘܿܢ. 28ܣܵܒܵܒ ܕܐܵܗܵܐ ܝܠܹܗ ܕܸܡܝܼ ܕܕܝܵܬܹܩܹܐ ܚܲܕܬܵܐ: ܕܡܒܵܕܵܠ ܕܪܵܒܵܐ ܦܝܵܫܵܐ ܝܠܹܗ ܫܘܼܦܟ̣ܵܐ ܠܫܒ̣ܵܩܵܐ ܕܚܛܝܼܵܬܹ̈ܐ. 29ܐܝܼܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܹܐ ܫܵܬܸܢ ܡܐܵܕܝܼܵܐ ܡ̣ܢ ܕܐܵܗܵܐ ܡܲܗܨܘܼܠ ܕܓܸܦܬܵܐ: ܗܲܠ ܗ̇ܘ ܝܵܘܡܵܐ ܕܒܝܹܗ ܫܵܬܸܢܹܗ ܥܲܡܵܘܟ̣ܘܿܢ ܚܲܕَܬܵܐ ܒܡܲܠܟܘܼܬܹܗ ܕܒܵܒܝܼ. 30ܘܫܘܼܒܸܚܠܗܘܿܢ ܘܦܠܸܛܠܗܘܿܢ ܠܛܘܼܪܵܐ ܕܙܲܝܬܹ̈ܐ. 31ܗ̇ܝܓܵܗ ܐَܡܝܼܪܹܗ ܐܸܠܵܝܗܝ ܝܼܫܘܿܥ: ܐܲܚܬܘܿܢ ܟܠܵܘܟ̣ܘܿܢ ܒܸܬ ܟܵܦܪܝܼܬܘܿܢ ܒܝܼܝܼ ܒܐܵܗܵܐ ܠܲܝܠܹܐ: ܣܵܒܵܒ ܟܬܝܼܒ̣ܵܐ ܝܠܹܗ: ܒܸܬ ܡܵܚܸܢ ܠܪܵܥܝܵܐ: ܘܒܸܬ ܦܵܝܫܝܼ ܒܘܼܪܒܸܙܹܐ ܥܸܪ̈ܒܹܐ ܕܦܸܣܩܹܗ. 32ܐܝܼܢܵܐ ܡܒܵܬَܪ ܕܩܵܝܡܸܢ: ܒܸܬ ܐܵܙܸܠَܢ ܡܩܵܕَܡ ܕܝܼܵܘܟ̣ܘܿܢ ܠܓܠܝܼܠܵܐ. 33ܘܓ̰ܘܼܘܸܒܠܹܗ ܟܹܐܦܵܐ ܘܐَܡܝܼܪܹܗ ܐܸܠܹܗ: ܐܸܢ ܟܠ ܐ݇ܢܵܫܵܐ ܟܵܦܸܪ ܒܝܼܘܼܟ: ܐܵܢܵܐ ܗܲܪ ܠܹܐ ܟܵܦܪܸܢ ܒܝܼܘܼܟ. 34ܐَܡܝܼܪܹܗ ܐܸܠܹܗ ܝܼܫܘܿܥ: ܬܪܘܿܨܵܐ ܒܹܐܡܵܪܵܐ ܝܘܸܢ: ܐܸܠܘܼܟܼ: ܒܐܵܗܵܐ ܠܲܝܠܹܐ: ܡܩܵܕَܡ ܕܩܵܪܹܐ ܩܵܪܘܿܝܵܐ: ܬܠܵܬَ ܓܵܗܹ̈ܐ ܒܸܬ ܟܵܦܪܸܬ ܒܝܼܝܼ. 35ܐܵܡܸܪ ܐܸܠܹܗ ܟܹܐܦܵܐ: ܐܘܼܦ ܐܸܢ ܗܵܘܝܵܐ ܠܵܙܸܡ ܕܡܵܝܬܸܢ ܥܲܡܘܼܟ: ܠܹܐ ܟܵܦܪܸܢ ܒܝܼܘܼܟ. ܘܗܲܕܟ̣ܵܐ ܐܘܼܦ ܟܠܵܝܗܝ ܬܲܠܡܝܼܕܹ̈ܐ ܐَܡܸܪܗܘܿܢ. 36ܗ̇ܝܓܵܗ ܐَܬܹܐܠܹܗ ܥܲܡܵܝܗܝ ܝܼܫܘܿܥ ܠܕܘܼܟܬܵܐ ܕܦܵܝܫܵܐ ܩܪܝܼܬܵܐ ܓܲܕܣܹܡܵܢ: ܘܐَܡܝܼܪܹܗ ܠܬܲܠܡܝܼܕܘܼ̈ܗܝ: ܝܬܘܿܒ̣ܘܿܢ ܠܲܐܟ̣ܵܐ ܗܲܠ ܕܐܵܙܸܠَܢ ܬܵܡܵܐ ܨܵܠܸܢ ܨܠܘܿܬܵܐ. 37ܘܠܘܼܒܸܠܹܗ ܠܟܹܐܦܵܐ: ܘܠܬܸܪ̈ܘܵܝܗܝ ܒܢܘܿܢܹ̈ܐ ܕܙܲܒ̣ܕܲܝ: ܘܫܘܼܪܹܐܠܹܗ ܠܸܦܫܵܡܵܐ: ܘܠܸܦܝܵܫܵܐ ܒܥܹܩܘܝܼ. 38ܗ̇ܝܓܵܗ ܐَܡܝܼܪܹܗ ܐܸܠܵܝܗܝ: ܦܫܝܼܡܬܵܐ ܝ݇ܠܵܗ̇ ܓܵܢܝܼ ܗܲܠ ܡܵܘܬܵܐ: ܥܲܪܩܸܠܗܘܿܢ ܠܲܐܟ̣ܵܐ ܘܥܒ̣ܘܿܕܘܿܢ ܫܵܗܲܪܬܵܐ ܥܲܡܝܼ. 39ܘܪܚܸܩܠܹܗ ܚܲܕَܟ̰ܵܐ: ܘܢܦܸܠܹܗ ܥܲܠ ܦܵܬܹܗ: ܘܨܵܠܹܐ ܗ݇ܘܵܐ ܘܐܵܡܸܪ: ܝܵܐ ܒܵܒܝܼ: ܐܸܢ ܡܵܨܝܵܐ: ܥܵܒܸܪ ܡܸܢܝܼ ܐܵܗܵܐ ܟܵܣܵܐ: ܐܝܼܢܵܐ ܐܲܝܟܼ ܕܐܵܢܵܐ ܒܵܣܡܵܐ ܠܝܼ: ܐܸܠܵܐ ܐܲܝܟܼ ܕܐܲܢَܬ. 40ܘܐَܬܹܐܠܹܗ ܠܟܸܣ ܬܲܠܡܝܼܕܘܼ̈ܗܝ: ܘܡܘܼܟ̰ܚܵܝܠܹܗ ܟܲܕ ܕܡܝܼܟܹܐ: ܘܐَܡܝܼܪܹܗ ܠܟܹܐܦܵܐ: ܗܲܕܟ̣ܵܐ ܠܵܐ ܡܨܹܐܠܵܘܟ̣ܘܿܢ ܕܚܕܵܐ ܣܵܥܲܬ ܥܵܒ̣ܕܝܼܬܘܿܢ ܫܵܗܲܪܬܵܐ ܥܲܡܝܼ. 41ܥܒ̣ܘܿܕܘܿܢ ܫܵܗܲܪܬܵܐ: ܘܨܲܠܹܝܡܘܿܢ ܕܠܵܐ ܥܵܒܼܪܝܼܬܘܼܢ ܠܓ̰ܘܼܪܵܒܵܐ ܪܘܼܚܵܐ ܟܹܐ ܒܵܣܡܵܐ ܠܵܗ̇: ܐܝܼܢܵܐ ܦܲܓ̣ܪܵܐ ܙܲܒܘܼܢ ܝܼܠܹܗ. 42ܡܸܢَܕܪܸܫَ ܐَܙܸܠܹܗ ܓܵܗܵܐ ܕܬܲܪ̈ܬܹܝ: ܘܨܘܼܠܹܐܠܹܗ: ܒܹܐܡܵܪܵܐ: ܝܵܐ ܒܵܒܝܼ: ܐܸܢ ܠܹܐ ܡܵܨܝܵܐ ܕܐܵܗܵܐ ܥܵܒܸܪ: ܫܒ̣ܘܿܩ ܡ̣ܢ ܕܫܵܬܸܢܹܗ: ܗܵܘܹܐ ܪܸܙܵܝܘܼܟ. 43ܘܐَܬܹܐܠܹܗ ܡܸܢَܕܪܸܫَ ܘܡܘܼܫَܟ̰ܚܵܝܠܹܗ ܕܡܝܼܟܹܐ: ܣܵܒܵܒ ܥܲܝܢܵܝ̈ܗܝ ܝܘܼܩܪܸܢܹܐ ܗ݇ܘܵܘ. 44ܘܫܒ̣ܝܼܩܵܝܠܹܗ: ܘܐَܙܸܠܹܗ ܡܸܢَܕܪܸܫَ ܨܘܼܠܹܐܠܹܗ ܓܵܗܵܐ ܕܬܠܵܬَ: ܘܗܲܪ ܗ̇ܝ ܗܹܡܸܙܡܵܢ ܐَܡܝܼܪܹܗ. 45ܗ̇ܝܓܵܗ ܐَܬܹܐܠܹܗ ܠܟܸܣ ܬܲܠܡܝܼܕܘܼ̈ܗܝ ܘܐَܡܝܼܪܹܗ ܐܸܠܵܝܗܝ: ܕܡܘܿܟ̣ܘܿܢ ܡܐܵܕܝܼܵܐ ܘܡܲܢܝܸܚܘܿܢ: ܗܵܐ: ܡܛܹܐܠܵܗ̇ ܣܵܥܲܬ: ܘܒܪܘܿܢܹܗ ܕܐ݇ܢܵܫܵܐ ܦܝܵܫܵܐ ܝܠܹܗ ܣܘܼܦܝܵܐ ܒܐܝܼܕܵܬܹ̈ܐ ܕܚܲܛܵܝܹ̈ܐ. 46ܩܘܼܡܘܿܢ ܐܵܙܵܠَܚ: ܗܵܐ: ܡܛܹܠܹܗ ܗ̇ܘ ܕܣܵܦܹܐ ܠܝܼ. 47ܘܗܵܠܵܐ ܗ̇ܘ ܗܲܡܙܘܼܡܹܐ: ܗܵܐ: ܝܼܗܘܼܕܵܐ: ܚܲܕَ ܡ̣ܢ ܬܪܸܥܣܲܪ: ܐَܬܹܐܠܹܗ: ܘܟܸܢܫܵܐ ܪܵܒܵܐ ܥܲܡܹܗ: ܥܲܡ ܣܲܝܦܹ̈ܐ ܘܚܘܼܛܪܹ̈ܐ: ܡ̣ܢ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ ܘܚܘܵܪ̈ܕܸܩܢܹܐ ܕܛܵܝܸܦܵܐ. 48ܘܝܘܼܗَܒ̣ܵܐ ܗ݇ܘܵܐ ܐܸܠܵܝܗܝ ܢܝܼܫܲܢܩܵܐ ܗ̇ܘ ܕܣܘܼܦܹܠܹܗ: ܒܹܐܡܵܪܵܐ: ܠܗ̇ܘ ܕܢܵܫܩܸܢ: ܗ̇ܘ ܝܼܠܹܗ: ܕܒ̣ܘܿܩܘܿܢ ܠܹܗ. 49ܘܕܲܪܣܵܥܲܬ ܐَܬܹܐܠܹܗ ܠܟܸܣ ܝܼܫܘܿܥ: ܘܐَܡܝܼܪܹܗ: ܫܠܵܡܵܐ: ܪܵܒܝܼ: ܘܢܫܸܩܠܹܗ. 50ܘܝܼܫܘܿܥ ܐَܡܝܼܪܹܗ ܐܸܠܹܗ: ܒܘܼܬ ܕܐܵܗܵܐ ܐَܬܹܐܠܘܼܟܼܼ: ܚܲܒ̣ܪܝܼ: ܗ̇ܝܓܵܗ ܩܘܼܪܒܸܢܗܘܿܢ ܘܕܪܹܐܠܗܘܿܢ ܐܝܼܕܵܬܵܝ̈ܗܝ ܥܲܠ ܝܼܫܘܿܥ ܘܕܒܸܩܠܗܘܿܢ ܐܸܠܹܗ. 51ܘܗܵܐ: ܚܲܕَ ܡ̣ܢ ܕܐܵܢܝܼ ܕܥܲܡ ܝܼܫܘܿܥ ܗ݇ܘܵܘ: ܦܘܼܫܸܛܠܹܗ ܐܝܼܕܹܗ ܘܓܪܸܫܠܹܗ ܣܲܝܦܹܗ: ܘܡܚܹܠܹܗ ܠܪܹܓܹܗ ܕܓܘܼܪܵܐ ܕܟܵܗܢܹ̈ܐ: ܘܫܩܝܼܠܵܠܹܗ ܢܵܬܹܗ. 52ܗ̇ܝܓܵܗ ܐَܡܝܼܪܹܗ ܐܸܠܹܗ ܝܼܫܘܿܥ: ܡܲܕܸܪ ܣܲܝܦܘܼܟ ܠܕܘܼܟܬܹܗ: ܣܵܒܵܒ ܕܟܠܵܝܗܝ ܐܵܢܝܼ ܕܫܵܩܠܝܼ ܣܲܝܦܵܐ: ܒܣܲܝܦܵܐ ܒܸܬ ܬܵܠܩܝܼ. 53ܝܲܢ ܒܸܚܫܵܒ̣ܵܐ ܝܘܸܬ ܕܠܹܐ ܡܵܨܸܢ ܛܲܠܒܸܢ ܡ̣ܢ ܒܵܒܝܼ: ܘܒܸܬ ܫܵܕܸܪܝܼ ܐܵܕܝܼܵܐ ܙܵܘܕܵܐ ܡ̣ܢ ܬܪܸܥܣܲܪ ܠܸܓ̣ܝܘܿܢܹ̈ܐ ܕܡܲܠܲܐܟܹ̈ܐ. 54ܒܲܣ ܕܵܐܟ̣ܝܼ ܒܸܬ ܦܵܝܫܝܼ ܬܘܼܡܸܡܹܐ ܟܬܵܒܹ̈ܐ: ܕܗܲܕܟ̣ܵܐ ܘܵܓ̰ܸܒ ܝ݇ܠܵܗ̇ ܕܗܵܘܝܵܐ. 55ܒܗ̇ܝ ܣܵܥܲܬ ܐَܡܝܼܪܹܗ ܝܼܫܘܿܥ ܠܟܸܢܫܹ̈ܐ: ܐܲܝܟܼ ܕܥܲܠ ܓ̰ܵܠܵܠܝܼ ܦܠܸܛܠܵܘܟ̣ܘܿܢ ܒܣܲܝܦܹ̈ܐ ܘܒܚܘܼܛܪܹ̈ܐ ܠܸܕܒ̣ܵܩܝܼ: ܟܠ ܝܵܘܡܵܐ ܠܟܸܣܠܵܘܟ̣ܘܿܢ ܒܸܬܝܵܒ̣ܵܐ ܝܘܸܢ ܗ݇ܘܵܐ ܓܵܘ ܗܲܝܟܠܵܐ ܘܡܵܠܘܿܦܹܐ: ܘܠܵܐ ܕܒܸܩܠܵܘܟ̣ܘܿܢ ܐܸܠܝܼ. 56ܐܝܼܢܵܐ ܐܵܗܵܐ ܟܠܵܗ̇ ܗَܘܹܐ ܠܵܗ̇: ܕܦܵܝܫܝܼ ܬܘܼܡܸܡܹܐ ܟܬܵܒܹ̈ܐ ܕܢܒ̣̈ܝܹܐ. ܗ̇ܝܓܵܗ ܟܠܵܝܗܝ ܬܲܠܡܝܼܕܹ̈ܐ ܫܒܸܩܠܗܘܿܢ ܐܸܠܹܗ ܘܥܪܸܩܠܗܘܿܢ. 57ܘܐܵܢܝܼ ܕܕܒܸܩܠܗܘܿܢ ܠܝܼܫܘܿܥ: ܠܘܼܒܸܠܗܘܿܢ ܐܸܠܹܗ ܠܟܸܣ ܩܲܝܵܦܵܐ: ܓܘܼܪܵܐ ܕܟܵܗܢܹ̈ܐ: ܐܲܝܟܵܐ ܕܣܵܦܪܹ̈ܐ ܘܚܘܵܪ̈ܕܸܩܢܹܐ ܓ̰ܸܡܥܝܹܐ ܗ݇ܘܵܘ. 58ܐܝܼܢܵܐ ܟܹܐܦܵܐ ܒܹܐܙܵܠܵܐ ܗ݇ܘܵܐ ܒܵܬَܪܹܗ ܡ̣ܢ ܪܸܚܩܵܐ: ܗܲܠ ܕܵܪܬܹܗ ܕܓܘܼܪܵܐ ܕܟܵܗܢܹ̈ܐ: ܘܥܒܼܸܪܹܗ ܠܓܵܘܵܝܝܼ ܝܬܸܒ̣ܠܹܗ ܥܲܡ ܚܸܠܡܲܬܟܵܪܹ̈ܐ ܕܚܵܙܹܐ ܗܘܵܐ ܐَܚܲܪܬܵܐ. 59ܐܝܼܢܵܐ ܓܘܼܪ̈ܵܢܹܐ ܕܟܵܗܢܹ̈ܐ ܘܟܠܹܗ ܟܸܢܫܵܐ ܛܵܥܝܼ ܗ݇ܘܵܘ ܥܲܠ ܝܼܫܘܿܥ ܣܵܗܕܘܼܬܵܐ ܕܵܓܵܠܬܵܐ ܕܡܲܡܝܸܬܝܼ ܗ݇ܘܵܘ ܠܹܗ. 60ܘܠܵܐ ܡܘܼܫَܟ̰ܸܚܠܗܘܿܢ: ܟܲܕ ܐ݇ܬܹܐܠܗܘܿܢ ܪܵܒܵܐ ܣܵܗܕܹ̈ܐ: ܕܲܓܵܠܹ̈ܐ: ܐܝܼܢܵܐ ܒܐَܚܲܪܬܵܐ ܐ݇ܬܹܐܠܗܘܿܢ ܬܪܹܝ ܕܲܓܵܠܹ̈ܐ. 61ܘܐܵܡܪܝܼ: ܐܵܗܵܐ ܐَܡܝܼܪܹܗ: ܟܹܐ ܡܵܨܸܢ ܕܣܵܬܪܸܢ ܠܗܲܝܟܠܹܗ ܕܐܲܠܵܗܵܐ: ܘܒܬܠܵܬَܐ ܝܵܘܡܵܢܹ̈ܐ ܒܵܢܸܢܹܗ. 62ܘܩܸܡܠܹܗ ܓܘܼܪܵܐ ܕܟܵܗܢܹ̈ܐ ܘܐَܡܝܼܪܹܗ ܐܸܠܹܗ: ܡܸܢܕܝܼ ܓ̰ܘܼܘܵܒ ܠܹܐ ܝܘܸܬ ܡܲܕܘܼܪܹܐ: ܡܘܼܕܝܼ ܒܸܣܗܵܕܵܐ ܝܢܵܐ ܥܲܠܘܼܟܼ ܐܲܢܹܐ. 63ܐܝܼܢܵܐ ܝܼܫܘܿܥ ܫܬܝܼܩܵܐ ܗ݇ܘܵܐ. ܘܓ̰ܘܼܘܸܒܠܹܗ ܓܘܼܪܵܐ ܕܟܵܗܢܹ̈ܐ ܘܐَܡܝܼܪܹܗ ܐܸܠܹܗ: ܡܲܡܘܼܝܘܼܟ ܝܼܘܸܢ ܒܐܲܠܵܗܵܐ ܚܲܝܵܐ: ܕܐܵܡܪܸܬ ܠܲܢ: ܐܸܢ ܐܲܢَܬ ܝܼܘܸܬ ܡܫܝܼܚܵܐ ܒܪܘܿܢܹܗ ܕܐܲܠܵܗܵܐ. 64ܐܵܡܸܪ ܐܸܠܹܗ ܝܼܫܘܿܥ: ܐܲܢَܬ ܐܡܸܪܘܼܟ. ܐܝܼܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܡܵܐܕܝܼܵܐ ܒܸܬ ܚܵܙܹܝܬܘܿܢ ܠܒܪܘܿܢܹܗ ܕܐ݇ܢܵܫܵܐ ܝܬܝܼܒ̣ܵܐ ܡ̣ܢ ܝܲܡܝܼܢܵܐ ܕܚܲܝܠܵܐ: ܘܒܹܐܬܵܝܵܐ ܥܲܠ ܥܢܵܢܹ̈ܐ ܕܫܡܲܝܵܐ. 65ܗ̇ܝܓܵܗ ܓܘܼܪܵܐ ܕܟܵܗܢܹ̈ܐ ܟ̰ܘܼܢܟ̰ܸܪܹܐ ܠܓ̰ܘܼܠܘܼ̈ܗܝ: ܘܐَܡܝܼܪܹܗ: ܓܕܸܦܠܹܗ! ܡܐܵܕܝܼܵܐ ܩܵܡܘܿܕܝܼ ܝܢܵܐ ܠܵܙܝܼܡܲܢ ܣܵܗܕܹ̈ܐ: ܗܵܐ: ܐܵܕܝܼܵܐ ܫܡܸܥܠܵܘܟ̣ܘܿܢ ܓܘܼܕܵܦܹܗ. 66ܡܘܼܕܝܼ ܒܸܚܫܵܒ̣ܵܐ ܝܬܘܿܢ: ܓ̰ܘܼܘܸܒܠܗܘܿܢ ܘܐܵܡܪܝܼ: ܓܘܼܢܵܗܟܵܪ ܝܼܠܹܗ ܠܡܵܘܬܵܐ. 67ܗ̇ܝܓܵܗ ܪܸܩܠܗܘܿܢ ܥܲܠ ܦܵܬܹܗ: ܘܩܲܪܦܸܚܝܼ ܗ݇ܘܵܘ ܠܹܗ: ܘܐ݇ܚܹܪ̈݇ܢܹܐ ܡܵܚܝܼ ܗ݇ܘܵܘ ܠܹܗ. 68ܘܐܵܡܪܝܼ: ܢܵܒܝܼ ܠܲܢ: ܡܫܝܼܚܵܐ: ܡܵܢܝܼ ܡܸܚܝܸܬܠܹܐ. 69ܐܝܼܢܵܐ ܫܸܡܥܘܿܢ ܟܹܐܦܵܐ ܝܬܝܼܒ̣ܵܐ ܗ݇ܘܵܘ ܠܒܲܕܲܪ ܓܵܘ ܕܵܪܬܵܐ: ܘܐَܬܹܐܠܵܗ̇ ܠܟܸܣܠܹܗ ܚܕܵܐ ܚܹܕܲܡܬܵܐ: ܘܐܵܡܪܵܗ̇: ܐܘܼܦ ܐܲܢَܬ ܥܲܡ ܝܼܫܘܿܥ ܓܠܝܼܠܵܝܵܐ ܝܘܸܬ ܗ݇ܘܵܘ. 70ܐܝܼܢܵܐ ܗ̇ܘ ܟܦܸܪܹܗ ܩܵܕَܡ ܟܠܵܝܗܝ: ܘܐَܡܝܼܪܹܗ: ܠܹܐ ܝܘܸܢ ܒܝܼܕܵܥܝܵܐ ܡܘܼܕܝܼ ܒܹܐܡܵܪܵܐ ܝܘܲܬܝ. 71ܘܟܲܕ ܦܠܸܛܠܹܗ ܒܬܲܪܥܵܐ: ܚܙܹܐܠܵܗ̇ ܐܸܠܹܗ ܚܕܵܐ ܐܚܹܪَܬܵܐ: ܘܐܵܡܪܵܗ̇ ܠܐܵܢܝܼ: ܐܘܼܦ ܐܵܗܵܐ ܥܲܡ ܝܼܫܘܿܥ ܢܵܨܪܵܝܵܐ ܗ݇ܘܵܐ. 72ܘܡܸܢَܕܪܸܫَ ܟܦܸܪܹܗ ܒܡܵܘܡܵܬܹ̈ܐ: ܠܹܐ ܝܵܕܥܸܢ ܠܗ̇ܘ ܐ݇ܢܵܫܵܐ. 73ܐܝܼܢܵܐ ܡܒܵܬَܪ ܚܲܕَܟ̰ܵܐ ܐ݇ܬܹܐܠܗܘܿܢ ܐܵܢܝܼ ܕܟܸܠܝܹܐ ܗ݇ܘܵܘ: ܘܐَܡܸܪܗܘܿܢ ܠܟܹܐܦܵܐ: ܒܫܲܪܝܼܪܘܼܬܵܐ ܐܘܼܦ ܐܲܢَܬ ܡܸܢܵܝܗܝ ܝܘܸܬ: ܣܵܒܵܒ ܐܘܼܦ ܗܲܡܙܲܡܬܘܼܟ ܡܲܕܘܼܥܝܘܼܟ ܝ݇ܠܵܗ̇. 74ܗ̇ܝܓܵܗ ܫܘܼܪܹܐܠܹܗ ܠܡܲܚܪܘܼܡܹܐ ܘܠܹܡܵܝܵܐ: ܕܠܹܐ ܝܵܕܥܸܢ ܠܗ̇ܘ ܐ݇ܢܵܫܵܐ. ܘܒܗ̇ܝ ܣܵܥܲܬ ܩܪܹܐܠܹܗ ܩܵܪܘܿܝܵܐ. 75ܘܕܟܸܪܹܐ ܟܹܐܦܵܐ ܠܗܹܡܸܙܡܵܢܹܗ ܕܝܼܫܘܿܥ ܕܐَܡܝܼܪܵܐ ܗ݇ܘܵܐ ܐܸܠܹܗ: ܕܡܩܵܕَܡ ܕܩܵܪܹܐ ܩܵܪܘܿܝܵܐ: ܬܠܵܬَ ܓܵܗܹ̈ܐ ܒܸܬ ܟܵܦܪܸܬ ܒܝܼܝܼ. ܘܦܠܸܛܠܹܗ ܠܒܲܕܲܪ ܒܟܹܐܠܹܗ ܒܡܲܪܝܼܪܘܼܬܵܐ.